पुणे : महाराष्ट्र कॉस्मोपॉलिटिन एज्युकेशन (एमसीई) सोसायटीच्या अँग्लो उर्दू बॉइज हायस्कूल (आझम कॅंपस, कॅम्प पुणे) या कनिष्ठ महाविद्यालयातील ४० विद्यार्थ्यांनी ‘जेईई’ परीक्षेत यश मिळविले आहे.
‘जेईई २०१८-१९’साठी महाविद्यालाच्या विज्ञान शाखेतील एकूण ६४ विद्यार्थी परीक्षेस प्रविष्ठ झाले होते. त्या पैकी ४० विद्यार्थ्यांना या परीक्षेत यश प्राप्त झाले. या विद्यार्थ्यांची निवड ‘जेईई’च्या मुख्य परीक्षेसाठी (JEE MAINS 2018-19) झाली. संस्थेचे अध्यक्ष डॉ. पी. ए. इनामदार, प्राचार्य परवीन शेख यांनी विद्यार्थांचे कौतुक केले व पुढील वाटचालीसाठी शुभेच्छा दिल्या.
